Posts

Showing posts from April, 2015
ನಿನ್ನೊಂದಿಗೆ ಬದುಕುತ್ತೇನೆ  ನೀನು ಬಿಟ್ಟು ಹೋದ ಮೇಲೆ  ಒಮ್ಮೊಮ್ಮೆ ನಿನ್ನ ಭಾವಚಿತ್ರದ  ಜೊತೆ ಕುಣಿದು ಕುಪ್ಪಳಿಸಿ  ಪದೇಪದೇ ಕೇಳುತ್ತೇನೆ ನಿನ್ನ  ರೆಕಾರ್ಡ್ ಮಾಡಿದ ಹಳೆಯ  ಸಂಭಾಷಣೆಗಳು ಹಾಗೆ ....  ನಿನ್ನ ನೆನಪುಗಳು ನಿನಗಿಂತ  ಅದೆಷ್ಟು ಮಧುರ ... ನೀಡುವುದಿಲ್ಲ ನಿನ್ನಷ್ಟು ನೋವು  ನೀ ಬಿಟ್ಟು ಹೋದರೂ ನನ್ನ ,  ಇಂದಿಗೂ ಕಾಪಾಡುತ್ತಿವೆ ನನಗೆ  ನೀಡುತ್ತಲೇ ಪ್ರೀತಿಯ ಕಾವು .... Harsha
ನಾನು ಕವಿತೆ , ಹರಿವ  ಮಂಜುಳ ಸಲಿಲ  ಕೈ ಬೀಸಿ ಕರೆದರೆ ನಿನ್ನ  ಬೊಗಸೆ ತುಂಬುವೆ, ಹಾಗೇ  ಜತನ , ಸೋರಿಯೂ ಹೋಗಬಲ್ಲೆ ...  ನೀ ಕಂಡರೆ ನಿನ್ನ ಪ್ರೇಯಸಿಯು  ಸುರಸುಂದರಿ , ಬೇಲೂರ ಶಿಲ್ಪ ,  ಆಗಸದ ತಾರೆ , ಬಳುಕುವ ಮೈಸಿರಿ  ನಿನ್ನೊಳಗಿನ ಆಸೆ ನಾನು,  ಅಷ್ಟೇ ಅಲ್ಲ , ಹಸಿದವರ , ನೊಂದವರ  ಮೂಕ ರೋದನೆಯೂ ಆದೇನು....  ನೀ ಕಂಡ ಹಾಗೆ  ನಿನ್ನ ಮನದ ಪ್ರತಿಬಿಂಬ ನಾನು.  - ಹರ್ಷ