ಹುಡುಕಿ ತಾ ನನ್ನ
ಹುಡುಕಿ ತಾ ನನ್ನ,
ಗೆಳತಿಯೇ
ಕಳೆದು ಹೋಗಿರುವೆ ನಾನು!
ಸುತ್ತಲಿನ ಜಂಜಾಟದಲ್ಲಿ ಸಿಗದೇ
ಹೋಗಿರುವೆ ನಾನು!
ಕೈಗೆಟುಕದ ಬಿಸಿಲ್ಗುದರೆಯ
ಬೆಂಬತ್ತಿ ದಣಿದು ಹೋಗಿರುವೆ.
ನನ್ನ ಕೈಹಿಡಿಸಿ ಹೊರಗೆ ದಾರಿ
ತೋರಿಸು ಓಲವೇ
ಮೋಹಪಾಶದಿ ನನ್ನ
ಬಿಡಿಸುವ
ಗುರುವಾಗೂ,
ಅರಿವಾಗು ಒಲವೇ..
ಹುಡುಕಿ ತಾ ಓಲವೇ
ಕಳೆದು ಹೋಗಿರುವೆ ನಾನು..
ಅರಿವು ಸಾಗುವ ದಾರಿ
ಗುರುವಿದ್ದರು ಕಾಣೆನು
ಮಾಯೆ ಪೊರೆಯೆ ಸಲುಹಿ
ಕುರುಡನಾಗಿ ನಿಂದಿಹೆನು
ವಿಷವೆಂದರಿತು,
ಸಿಹಿರಸದ
ಹಾಗೇ ಸವಿಯುತ್ತಿರಲು
ಮನವೇ, ಒಲವೇ,
ಕೈಹಿಡಿದು
ನಡೆಸು ನನ್ನ
ದಾರಿತಪ್ಪುವ ಮೊದಲು,
ಹಿಂತಿರುಗಿ ಬರಲಾರಾದಷ್ಟು
ಮುಂದೆ ಹೋಗುವ ಮುನ್ನ..
ನಿಮ್ಮ
ಹರ್ಷಾ
Comments