ಆಣೆಕಟ್ಟು

ಭೋರ್ಗರೆಯುವ ಭಾವನೆಗಳ
ಹತ್ತಿಕ್ಕಿ ಕಟ್ಟಿರುವೆ
ಮನಸಲ್ಲೊಂದು ಆಣೆಕಟ್ಟು
ನಿನ್ನ ನೆನಪುಗಳ ಇಟ್ಟಿಗೆಯಾಗಿಸಿ
ಪೋಣಿಸಿದ ಗೋಡೆಗೆ, ನನ್ನ
ನೆತ್ತರು ನೀರಾಗಿ, ಜೊತೆಯಾಗಿ
ಕಳೆದ ರಸನಿಮಿಷಗಳ ಕೂಡಿ ಕೆಸರಾಗಿ,
ಕಟ್ಟಿರುವೆ ಯಾರು ಎಂದಿಗೂ
ಒಡೆಯಲಾಗದ
ತಡೆಗೋಡೆಯನೊಂದು

ಅಯ್ಯೋ ಅದೆಲ್ಲಿ ಮರೆತೇ ?
ಎಲ್ಲಿ ನನ್ನೆದೆಯ ಬಡಿತ?
ಹೃದಯ ಹೇಳಿತು ಗೆಳೆಯ
ನೀನು ಕಟ್ಟಲಿಲ್ಲ ಅವಳ
ನೆನಪುಗಳ ತಡೆಯುವ ಗೋಡೆಯ.....
ನೀನು ಕಟ್ಟಿದ್ದು ನನ್ನ
ಜೀವಂತ ಸಮಾಧಿಯ

ಹರ್ಷಾ